Behin
batean...
Ekainaren 29an gure protagonistak Miriam K. Martxante,
Eduardo Gaviña, Mikel Clemente eta Estibaliz
Markiegi ziren, etxetik atera zirenean. Baina itsasadarraren
errepidea hartu eta Zorrotzaurrera iritsi zirenean,
aldatzen hasi zen kontua. Eta zer esanik ez gaur egun
erabiltzen ez den lantegi zaharraren sarrera gurutzatu
zuten unean: barnealdeak aldatu egin zituen. Hilabeteetan
zehar planeatu bezala, oinak lauza zikinen gainean
jarri bezain laster BADen zortzigarren edizioa iragartzeko
egin den karteleko aktorea, argazkilaria, kameralaria
eta figuringilea bihurtu ziren. Antzerkia eta dantza
batera hartzen dituen eta musikala ez den alegia baten
pertsonaiak izan ziren. Egun horretan, ikuskizuna
hasi zen berriz.
Jaialdiak Zorrotzaurreko penintsula aukeratu zuen
aurtengo bideari ekiteko, daukan sinbologia bereziarengatik.
Bere garaian industria-gunea izandako honek jarduera
hiriko beste leku batzuetara mugitzen zela ikusi
zuen, baina gaur egun berpizten ari da. Modernizatzen.
Eraikuntzaren garaikidetasunaren zero zona da, modernotasunaren
saiakuntza-bankua. Horregatik, eszenatoki perfektua
da BAD 06ren kartela girotzeko: jaialdia mende baten
agonian jaio zelako, hastear zegoen mendearen ikuspegi
artistikoaren berri emateko, etengabeko mugimendua
eta esperimentazioa ahaztu gabe.
|
|
|
