HELENA AMONDARAIN / TRUKE antzerki produkzio eta banaketa-etxea
Bat nator BAD inguru hauetan erreferentzi jaialdia izatera heldu dela dioen iritziarekin. Nire ikuspuntutik, BADek arte eszenikoen arlo ezberdinetako sormen-lana esploratzeko xedea du. Erakusleihoa da eta horretan bai bertoko, bai beste autonomia-erkidegoetako, bai beste herrialdeetako produkzioek aukera dute jendaurrean agertzeko. Gainera, nik esango nuke ikusleak sentsibilizatu nahi dituen jaialdia dela, kontuez beste begirada edo ikusmolde batzuetatik ohartzeko, hain zuzen. Ikuskizunen eskaintza zabala da eta horrela abangoardiak, teknologia, lengoaia berriak, konpromisoa, salaketa soziala, zentzugabekoa zein kultur aniztasuna ditugu ikusgai. Labur esanda, ausardia. Aurten ere BADera joango naiz. Ziur ez nauela epel uzten.

NANDO PIÑEIRO FERNÁNDEZ / Programatzailea
BADez berba egitea egungo proposamenez hitz egitea da.
BADez berba egitea modalitate arteko arteaz hitz egitea da.
BADez berba egitea ausardiaz eta arriskuaz hitz egitea da.
Urtez urte, beti entzun edo ikusi ditut antolatzaileak termino eta asmo horiekin eta urtero ikusten ditut lan interesgarriak. Urtero gozatzen dut estetika eta lengoaia berriekin. Izan ere, hau proiektu ireki eta gaurkotasun handikoa da.
BADen espazioak eta asmoak atsegin ditut eta, batez ere, ikusleak.
BADeko talde guztiari eta euren proposamenekin parte hartzen duten guztiei eskertu nahi dizkiet egiten duten lana, ahaleginak eta presentzia. Aurten, unetxo batez bada ere, zuekin izango naiz. Ikuslego berriak sortzea, oraingo sortzaileentzako aukerak, topalekuak sortzen dituen eta pilak kargatzen dizkigun jaialdia; horrek guztiak merezi du buru-belarri programazioan sartu eta Bilbon egun batzuk ematea.
Plazera da.

LUISJA UGARTE / Zornotza Aretoaren programazio-arduraduna.
BAD antzerkia eta dantza gogoko ditugun askorentzat, Fundacion aretoarekin batera, Bilbon joera eszeniko berritzaileenak eta interesgarrienak zertan diren jakiteko dugun aukera bakarra da, baita, sortze-lana eta produkzio eszenikoa zailak izanda, gehienen erabilerak edo kontsumoak zedarritutako mugapearen bazterretan edo kanpoan dauden eta horretan lanean ari direnek duten erakusketa-plataforma bakarra ere.

Horrela, programazio egonkor, anitz eta egungoak jasota eduki beharko lukeena, gurean, ordea, aparta, laburra eta mugatua da; izan ere, gure urian ez dago honelako programazioa jaso dezan espazio publikorik eta problema hori aspaldian konponduta eduki beharko genuke.

Bien bitartean

!!Osasuna eta bizi luzea BADi!!