Honela, BAD antolatzen duen Bilboko Udaleko Kultura eta Euskara Sailak Estatu mailako aitorpena lortu du antzerki berritzailea, abangoardiakoa eta kalitatezkoa sustatzearen alde egin duen apustu garrantzitsuarentzat. Bilbao Antzerki Dantzaren VIII. Edizioa Bizkaiko hiriburuan egingo da urriaren 27tik azaroaren 5era bitartean.Aragoiko Antzerki eta Dantzaren Nazioarteko Azoka (Huesca, Urriak 2-6) aurten XX. Urteurrena ospatuko duen nazioarteko jaialdi ospetsua da. Azokaren azken edizioetan, norabidea aldatu eta, dantza ez ezik, lengoaia ez konbentzionalak erabiltzen dituzten ikuskizunak ere sartzearen alde apustu egin dute. Jaialdi honen beste apustu garrantzitsu bat, gogoeta bultzatu (jardunaldien bitartez) eta ideia eta lan-prozeduren trukaketa sustatzea izan da.

8 urte antzerkia eta dantza garaikidearen aldeko apustuan
Bilbao Antzerkia Dantza (BAD) 1998an sortu zen antolaketa publiko bezala, eta bere helburua, ikusle eta sortzaile kezkatiak, berritzaileak, hasi berriak eta kontsolidatuak, teknika eta mezuak tartekatzen dituztenak, eta eszena garaikideko lengoaia berrien aldeko apustu kontzeptual eta formala egiten dutenak elkartzeko moduko programazio eszenikoa ezartzea izan da.

Zortzi urteko ibilbide honetan, BADek nazioarteko ospea duten sortzaileak izan ditu partaide, hala nola, Blanca Li-ren antzerki konpainia, la Fura del Baus edota Teatre Lliure; baita Calixto Bieto eta Roberto Cossa bezalako dramaturgo ezagunak eta, nola ez, euskal eszenaren ordezkaritza zabal bat, Chusma Teatroa, Contrapunto, Fábrica de Teatro Imaginario (F.T.I.), Teatro de Batalla, Steak Tartar, Markeliñe, Nexo eta Logela-ren kategoriako taldeak tarteko.

Jaialdiaren edizio bakoitzean, hogeita hamar bat ikuskizun aurkezten dira Euskal Herriko, Estatuko eta beste herrialde batzuetako konpainien eskutik, Jaialdiaren nazioarteko izaera sendotuz. BADek 8.000 lagun baino gehiago erakarri zituen azken edizioan.